सानु कार्की
दृष्टिबिहिन बाको
गजल
दृष्टिबिहिन बाको जिबनमा अँध्यारो थमायो।
छोराले यसरी पनि आफुलाइ दानी देखायो।।
उसले द्रन्दको सुरवात गर्दै छ यसरी
चोकचोकमा उभिएका सालिक पल्टायो।।
बलवान पनि हारेका छन् कम्जोरको अगाडी
लिन सकिन्छ उदाहरण कछुवा र खरायो।।
बनाउनेले पनि यसरी बनाइ दियो यार
तिमीलाई सुन्दर बनायो मलाई कुरुप बनायो।।
अब यो ज्यान बगाउनेको मात्र अभाब छ
बा आमा र खेत बारी त बाढीले बगायो।।
सानु कार्की
धनकुटा
