Narayan Pandey
| Title | Category | Gajal |
|---|---|---|
| गुनासो | धोका | भर्खर भर्खर रोपी मायाँ गोडेपछि बोल्न छाड्यौ । एक्लो बनाइ अनायासै छोडेपछि बोल्न छाड्यौ ।। फेसबुकमा भेटेपछि च्याटिङ्गमा व्यस्त अहो , अर्कैसँग अटुट नाता जोडेपछि बोल्न छाड्यौ । सानो छँदा दुवैजना सङ्गै स्कूल गएपनि , कलेज पढि जीवन अन्तै मोडेपछि बोल्न छाड्यौ । फेरिएछ रुपरङ्ग अनि तिम्रा चाहना पनि , मेरो भिन्दै सम्बन्धलाई तोडेपछि बोल्न छाड्यौ । भर्खर भर्खर रोपी मायाँ गोडेपछि बोल्न छाड्यौ । एक्लो बनाइ अनायासै छोडेपछि बोल्न छाड्यौ ।। |
| आमाको सम्झनामा समर्पित (दशैं विशेष) | माया / प्रेम | यो साल पनि मैले बिदा पाउने भइन आमा । दशैं अनि तिहारमा आउने भइन आमा ।। घर, कयनपाटा, कोल्टाँडा हुँदै मामा घर । रातो टिका जमरानी लाउने भइन आमा ।। दशैं अनि तिहारमा आउने भइन आमा ।। सङ्गीसाथी जम्मा भई सदा झैं तिहारमा । सँगै देउसीभैलो पनि गाउने भइन आमा ।। रातो टिका जमरानी लाउने भइन आमा ।। मरुभूमिको तातो घामले भतभत पोलेपछि । पहिले जस्तो हट्टाकट्टा आउने भइन आमा ।। खुसी ल्याई सबै माझ छाउने भइन आमा ।। कल्पितभई कोमल मन अनायासै छटपटिँदा । पाइला चाल्न कसैको साथ पाउने भइन आमा ।। पहिले जस्तो हट्टाकट्टा आउने भइन आमा ।। यो साल पनि मैले बिदा पाउने भइन आमा । दशैं अनि तिहारमा आउने भइन आमा ।। |
