बिगतकोपलमा जिउनेआधार
:::::::::::::गोकुल बोहरा बझाङ :::::::::::::::
////नेपाली बिर सेना प्रति समर्पित ////
लड्दा लड्दै म मरेँ भने उठाइदिनु साथी
मेरो घरमा दुखद समाचार पुर्याइदिनु साथी
आमा अनि प्रियलाइ सम्झाएर तिमी
मेरो लागी जलाको दिप निभाइदिनु साथी
बग्दै होला रगतको खोला मेरो छातिबाट
आफ्नो हातले तातो रगत थमाइदिनु साथी
अरू केहि माग्दिन म धेरै तिमी संग
लाश उठाउन इष्ट मित्र बोलाइदिनु साथी
जिन्दगीले बिदा माग्यो फर्किन्न म फेरी
मेरो नाममा मानो चामल उठाइदिनु साथी
दागबत्ति दिनलाइ छोरो सानै छ मेरो
उस्लाइ मेरो लाश जलाउन सघाइदिनु साथि
