Joti Kumar Lama Yonjan

गजल

ऐनाहरुको हुनसम्म मानहानी भएको छ;

अचेल उ मेरै आँखाको नानी भएको छ



जुन दिन देखी हाम्रो मन साटिएथ्यो;

जति सम्झाउँछु उति अज्ञानी भएको छ



आगोबाट जोगिन सिकाउने उही नै हो;

जो जलेर स्वयम् खरानी भएको छ



आफैंलाई बेचेर खै के पायौ मैले सोधें;

लजाउँदै उस्ले भन्यो आम्दानी भएको छ



खै कस्तो फैंसला सुनाउने हो समयले;

जिन्दगानी भूलहरुको खानी भएको छ

लेखक
ज्याेति कुमार लामा

#अन्य