Joti Kumar Lama Yonjan

गजल

एकै डाली काँडा र फूल कसो गरी बनाउँछ
भगवानले बनाउँदा मनपरि बनाउँछ

जिन्दगीले दिएको र नपुगेको के नै छ र?
यो मनले चाहना पो धेरैथरि बनाउँछ

जूनतारा सजिएको आकाश छ कति शीतल
उज्यालोमा त्यै आकाशले आगोसरी बनाउँछ

नदी सरी दुई जीवन पहाड मैदान नाँघ्दै बग्छ
जहाँ निर मिलन हुन्छ त्यैँ भुमरी बनाउँछ

आँसुमा त बिलाउँछ विरहको मीठो धून
गजलले त "एकतारे" अजम्बरी बनाउँछ

लेखक
ज्याेति कुमार लामा

#उदास